Ковид-19: Задолжително носење заштитни маски на целата територија на државата, како и скратување на времетраењето на полицискиот час

Премиерот Оливер Спасовски ги објави новите олеснети мерки донесени на денешната владина седница во врска со забраната за движење поради спречиување на ширење на коронавирусот,

-Штотуку донесовме важни одлуки на седница на Влада. Почнувајќи од утре, четврток, 23 април, се намалуваат рестрикциите на движењето. Секој работен ден, од понеделник до петок ќе биде дозволено движењето на граѓаните од 05:00 часот наутро до 19:00 часот. Забраната за движење во целата држава ќе почнува во 19 часот и ќе трае до 05 часот наутро. За лицата над 67 годишна возраст ќе биде дозволено движење секој работен ден од 05 часот наутро до 12 на пладне. Младите лица до 18 години ќе може да излегуваат од понеделник до петок од 13:00 до 19:00 часот.,напиша Спасовски на фб профилот,

Се намалува, додава тој, и ограничувањето на движење за време на викендите.

-Од сега забраната за движење за викенд ќе почнува од 15:00 часот во сабота, а ќе трае до понеделник до 05:00 часот наутро. Во сабота, за лицата над 67 годишна возраст ќе биде дозволено движење од 05 часот наутро до 11 часот наутро. Во сабота, младите лица до 18 години ќе може да излегуваат од 12:00 до 15:00 часот., стои на фб статусот на Спасовски и воедно се најавува прес – конференцоија за повеќе деталиво 17 часот.

Се донесе мерка до која се воведува и задолжително носење на заштитни маски на целата територија на државата, и како таква започнува да важи од утре.

Leave a Reply

Your email address will not be published. Required fields are marked *

RSS
Twitter